Dəfərlərlə gündəmə gətirilməsinə baxmayaraq, ictimai nəqliyyatda baş verən sürücüsü özbaşınalığı dayanmır.
Xezerxeber.az məlumat verir ki, daha bir ciddi problem Abşeron rayonunun Digah qəsəbəsindən Bakıya işləyən 147 saylı marşrut xəttində yaşanır.
Həmin avtobusdan istifadə edən sərnişinlərdən birinin xezerxeber.az-ın elektron ünvanına göndərdiyi videodan görünür ki, bu marşrut xəttində sərnişinlərin həyatı təhlükə altındadır: həm avtobusların köhnə olması, həm də sürücü özbaşınalığına görə.
Sərnişinlərdən birinin redaksiyamıza göndərdiyi şikayətdə qeyd olunur ki, bu marşrut xəttində sərnişinlər hər gün təhlükə ilə üz-üzə qalır: “Xahiş edirəm bu avtobusa fikir verin! Artıq ağırlıqdan avtobus sağ yanı üstə gedir. Sizə bir sualım var. Bir avtobusda bayırda “podnoşka”da 8 nəfər gedə bilər? Qarşıda 3 nəfər, arxada isə 5 nəfər….. özü də bayırda “podnoşka”da. İstəyirik ki, səriştəsiz sürücülər ilə birlikdə bu sınıq-salxaq 147 saylı avtobusları da dəyişsinlər və avtobusun sayını artırsınlar. Əlbəttə əgər ölüm olmasını istəmirlərsə….”.
