Onlarla yük maşını sıra ilə yol kənarında dayanıb. Sürücülər burda müştəri gözləyir. Baxmayaraq ki, ərazidə dayanma-durmanı qadağan edən yol nişanı var.
Xezerxeber.az məlumat verir ki, belə bir hal paxytaxtın Nərimanov rayonu, Əhməd Rəcəbli küçəsində yaşanır.
Mütəmadi olaraq həmin küçədən istifadə edən sürücülər yük avtomobillərinin pik saatlarda tıxaca səbəb olduğunu deyirlər.
Ancaq yük maşını sürücüləri iddiaları qəbul etmirlər. Onlar illərdir maşınlarını burada saxladıqlarını və heç kimə mane olmadıqlarını deyirlər.
Ekspertlər deyir ki, mənzərə “Yol hərəkəti haqqında” qanunun tələblərinə ziddir. Dayanma -durmanı qadağan edən yol nişanının tələbini pozan sürücülər 20 manat məbləğində cərimə edilməlidir.
