İsveç paytaxtının mərkəzində sürücü yük avtomobilini piyadaların üstünə sürüb. Bu haqda məlumatı “Aftonbladet” nəşri yayıb.
TT agentliyi polisə istinadən bildirib ki, Stokholmda sürücünün yük avtomobilini insanların üstünə sürməsi nəticəsində üç nəfər həlak olub, 8 nəfər isə xəsarət alıb.
İsveçin Baş naziri Stefan Lyoven hadisəni terror aktı və “ölkəyə hücüm” adlandırıb.
Xarici KİV-lər Stokholmda polisin tələbi əsasında dəmiryolları əlaqəsinin dayandırılması haqda məlumat yayıb.
Reuters-i bildirib ki, Stokholmda mərkəzi vağzaldan insanlar təxliyyə olunub.
İsveç KİV-ləri baş vermiş hadisə ilə bağlı Stokholm şəhər metrosunun bağlanması haqda bildirib.
DPA agentliyi isə İsveç paytaxtında yerləşən hökümət binasının, parlamentin və kral sarayının qorunma altına alınması haqda xəbər yayıb.
