Roma məhkəməsi digər taksi xidmətlərinin qeyri-sağlam rəqabət problemiylə qarşılaşması ilə bağlı qərar qəbul edib.
The Local nəşri bildirir ki, ötən cümə günü italyan məhkəməsi Uber xidmətindən istifadəni qadağan edib. Məhkəmə bu qərarı, qanuni taksi xidmətlərinin qeyri-sağlam rəqabət problemiylə rastlaşması ilə əlaqədar qəbul edib.
Apellyasiya şikayətinin müzakirə predmetinə çevrilən qətnamədə, Roma məhkəməsi taksi həmkarlar ittifaqlarının şikayətini dəstəkləyərək, Uber-ə İtaliya ərazisində telefon proqramı əlavəsindən istifadəni dayandırmaq üçün on gün vaxt verib.
Əgər Uber məhkəmənin qərarına əməl etməsə, hər əlavə gün üçün şirkət 10 min avro məbləğində cərimələnə bilər. Şirkətdən məhkəmənin bu qərarından şoka düşdüklərini və dərhal qəbul edilən qətnamə ilə bağlı şikayət ərizəsi vermək niyyətində olduqlarını bildiriblər.
Xatırladaq ki, bir müddət əvvəl Uber Danimarkada fəaliyyətini dayandırmaq haqqında qərar qəbul edib.
