Nəhəng çarxla səyahətə çıxan İran əsilli Almaniya vətəndaşı Azərbaycana çatıb.
Xezerxeber. az məlumat verir ki, içinə əşyalarını bağladığı nəhəng çarxı fırlada – fırlada ölkələri gəzən piyada, görənlərin marağına səbəb olur.
44 yaşlı incəsənət xadimi Almaniyadan Azərbaycana belə gəlib. Maraqlısı budur ki, özü ilə gətirdiyi gimnastika çarxının hərəkət etdirilməsi elə də asan deyil. Əslən iranlı olan və Almaniyada yaşayan foto-blogger Şahin Sadathüseyni artıq üç gündür Azərbaycandadır.
Almaniyadan ölkəmizə qədər olan məsafəni Şahin Sadathüseyni nə az, nə çox 470 günə qət edib.
Hazırda Tovuzda olan Şahin Sadathüseynin növbəti dayanacağı Gəncə şəhəridir. Oradan viza alaraq doğulduğu İrana səfər edəcək. Elə orada da turistin səyahəti başa çatır.
