Avtomobil pərəstişkarı üçün avtomobil, ikinci ev deməkdir. Və hər kəs də istəyir ki, bu evdə hər zaman rahatlıq olsun.
Avtomobildə yüksək rütubət, sürücülərin ürəkdən nifrət etdiyi bir problemdir.
Tərləmiş pəncərələr, oturacaq üzərindəki nəm örtüklər və ayaq altındakı yaş xalçaları görmək əsl dəhşətdir!
Biz sizə rütubəti canına hopduran ən asan vasitələrdən istifadə etməklə, məsələnin sadə yolla həllini təklif edirik. Bundan sonra sizin avtomobilinizin şüşələri həm qışda, həm də yayda şəffaf qalacaq!
Duz
Çay üçün nəzərdə tutulan kağız paketləri duz ilə dolduraraq avtomobilin salonunda pəncərələrə yaxın bir yerə qoyun. Duzu doldurmaq üçün adi kağızdan də zərflər düzəltmək olar. Avtomobildə duz nə qədər çox olarsa, bir o qədər yaxşıdır. Məlum olduğu kimi duz rütubəti asanlıqla canına çəkir. Yaxşı olar ki, duz tədarüklərinin əsas hissəsini avtomobilin cihaz paneli üzərində yerləşdirəsiniz. Bu, avtomobil şüşələrinin tərləməsinə qarşı əla vasitədir!
Kartof
Kartofu uzununa bir neçə hissəyə kəsin və avtomobilin şüşələrini daxildən həmin dilimlərlə sürtün. Bundan sonra şüşələri adi dəsmalla silin. Tərləməyə qarşı qoruyucu nazik nişasta pərdəsi artıq hazırdır!
Qəzet
Qəzet parçalarını cihaz panelinin üzərinə və avtomobilin arxa oturacaqlarına sərin. Havada olan rütubət dərhal qəzet vərəqlərinə hopacaq, pəncərələr də təmiz qalacaq.
Limon
Limon artıq rütubətlə mübarizədə daha bir uğurlu vasitədir. Limonu iki hissəyə bölərək, bir hissəsini avtomobilin daxildən təmiz şüşələrinə sürtün, daha sonra onları dəsmalla parıldayana qədər silin. Heç bir tərləmə-filan olmayacaq!
Qəhvə
Kiçik dəlikli adi polietilen paketdə və ya plastik qabdakı qəhvə,təkcə avtomobilin salonunda artıq rütubəti canına yaxşı hopduran vasitə deyil, həm də gözəl qoxulu ətirləndiricidir!
Təraş üçün krem
Təraş üçün kremi nazik təbəqə ilə avtomobilin salonunun pəncərələrinə çəkin. Sonra isə kağız və ya dəsmalla silin. Təraş üçün krem tərləmənin qarşısını alan maneə qatı yaradacaq.
Uşaq bezi
Çox güman ki, bu, bütün sadalananlar arasında ən yaxşı vasitədir. Açılmış bir neçə uşaq bezini daxildən avtomobilin müxtəlif künclərinə yerləşdirməklə, siz salondakı rütubətdən və bulanıq nəm şüşələrdən qurtula bilərsiniz.
Akvarel kağızı
Avtomobildə ayaq altına sərilən məsaməli akvarel kağızı salondakı rütubəti əhəmiyyətli dərəcədə azaldır.
Передвижник – художественные товары
Diş məcunu
Diş məcunu avtomobilin pəncərələri üçün yaramasa da, faraların müdafiəsi üçün yaxşı vasitədir. Sadəcə məcunu faraların səthinə çəkin və əski ilə silin. Bunu bir neçə dəfə təkrar edin. Təmiz faralar soyuq havalarda avtomobili təhlükəsiz idarə etmək üçün ən yaxşı zəmanətdir.
