Ekspertlərin apardıqları tədqiqatının nəticələri, adamı bir az təəccübləndirir…
“Avtomobilini göstər, mən də deyim sən hansı peşənin sahibisən”, – bu ifadə, ən azından Almaniyada yeni atalar sözü ola bilər. Alman sığorta şirkəti Transparo, peşə sahiblərinin zövqündən asılı olaraq üstünlük verilən avtomobillərin reytinqini tərtib edib. Məlumatlar 60 000 sığorta şəhadətnaməsi əsasında toplanıb.
Reytinqə liderliyi Opel markasından olan avtomobillər edir. Rəngsazların 17,5%-i bu markalı avtomobilləri idarə edir. Reytinqin növbəti pilləsində isə həkimlər qərar tutub. Sıralamada 14,6 % təşkil etməklə onlar, BMW markalı avtomobillərə üstünlük veriblər. Renault markalı avtomobilləri isə ofis işçiləri və satıcılar idarə edir. Onların faiz göstəriciləri isə 7,4% və 7,3% təşkil edir.
İtaliyanın FIAT markasını çox vaxt stomatoloq assistentləri seçir -7,5 %. Həkimlər, proqramçılar isə yapon istehsalı olan Toyotaya üstünlük verirlər- 7,5%. Yeri gəlmişkən, avtomobil markaları arasında daha çox fərqlənən fransız istehsalı olan Citroen olub. Bu avtomobil markasından ən çox elektrik sənayesi işçiləri, katibələr və müəllimlər istifadə edir. Onlar orta hesabla digər peşə sahiblərindən 70 % daha çox Citroen markalı avtomobillərə üstünlük verirlər.
