Britaniyalı startap yolların salınması zamanı istifadə edilən bitumu, ikinci dəfə emal olunan tullantı məhsulları yəni plastik qranulalarla əvəz etməyi təklif edir.
Dünyada 40 milyon kilometrlərlə yollar var ki, salınmasına yüz milyonlarla barel neft sərf olunub. Britaniyalı mühəndis Tobi Makkartni öz startapında zibildən hazırlanan plastik kütlədən istifadə edir. Bu ideya onun Hindistanda olduğu zaman insanların yollardakı çuxurları plastik kütlələrlə doldurduqdan sonra yandırırdıqları vaxt yaranıb. Beləliklə də mühəndis Tobi Makkartni öz şəxsi istehsal metodunu düşünüb.
Yol örtüyünün 90%-i çınqıldan, əhəngdaşından və qumdan, 10%-i isə qatılıq üçün nəzərdə tutulan bitumdən ibarətdir. Bitum xam neftdən əldə edilir, amma onun böyük hissəsi məişət tullantılarından hazırlanması mümkün olan plastik qranulalarla əvəz oluna bilər.
Yeni startapında Makkartni hətta fermalardakı tullantılardan da istifadə edir. Böyük Britaniyanın iki şəhərinin administrasiyası artıq bu texnologiya ilə maraqlanıb və onun köməyi ilə yol salırlar.
