Rusiyada azərbaycanlının idarə etdiyi taksi qəza törədib, 2 sərnişin və sürücü ölüb.
APA-nın “mk.ru”ya istinadən verdiyi məlumata görə, hadisə bu gecə Moskva dairəvi avtomobil yolunda baş verib.
Rusiya vətəndaşı olan azərbaycanlı, 59 yaşlı Bəhlul Musayevin idarə etdiyi avtomobil eyni xətlə hərəkət edən yük maşınının qoşqusu ilə toqquşub. Qəza nəticəsində sürücü və sərnişinləri – 60 yaşlı Svetlana Konstantinovna və onun 38 yaşlı qızı avtomobildə sıxılmış vəziyyətdə qalıb. Hadisə yerinə xilasedicilər çağırılıb. Hər 3 şəxs hadisə yerində ölüb. Yük avtomobilinin sürücüsü xəsarət almayıb.
