Belarusun paytaxtı Minksdə sürücülərdən birinin videoreqistratoru qəribə hadisəni qeydə alıb. Hadisə şahidinin avtomobilinin yanından sürətlə, açıq qapısından polis sallanan nəqliyyat vasitəsi keçib. Sən demə insanlar polisə şübhəli sürücü haqqında məlumat verdikdən sonra DYP əməkdaşları qayda pozan şəxsi dayandırmağa çalışarkən, o, aradan çıxan zaman avtomobilin qapısına ilişən inspektoru da özü ilə bərabər sürüyüb.
Avtomobil onlarla metr yol keçdikdən sonra, polis yerə yıxılaraq xəsarət alıb. Qayda pozan şəxsi yalnız bir neçə dəqiqə sonra saxlamaq mümkün olub. Sükan arxasında isə əvvəllər də məhkum edilən 40 yaşlı şəxs olub. Tibbi yoxlama onun həddən artıq sərxoş olduğunu göstərib.
Polisi sürüyən şəxs barəsində 9 inzibati protokol tərtib edilib və cinayət işi açılıb.
