Masallı rayonunda bir neçə nəfərin xəsarət alması ilə nəticələnən yol-nəqliyyat hadisəsi baş verib.
“Report”un Cənub bürosu xəbər verir ki, hadisə Ələt-Astara magistralının Masalı rayonunun Gəyəçöl kəndindən keçən hissəsində baş verib.
Belə ki, “VAZ-2106” markalı, “44 BE 669” dövlət qeydiyyat nişanlı avtomobillə “Hyundai” markalı, “44 BR 066” dövlət qeydiyyat nişanlı avtomobilin toqquşması nəticəsində üç nəfər xəsarət alıb. Yaralılar Masallı Rayon Mərkəzi Xəstəxanasına çatdırılıb.
Faktla bağlı Baş Dövlət Yol Polisi İdarəsinin əməkdaşları tərəfindən araşdırma aparılır.
