Avtoreyd.az bildirir ki, moped sürücüsünə yük avtomobilinin önünə keçməklə bir neçə saniyəyə qənaət etmək arzusu, az qala həyatı bahasına başa gəlib.
Müşahidə kameralarının qeydə aldığı videoda moped sürücüsünün nəqliyyat vasitəsindən yerə yıxılaraq, yük avtomobilinin təkərləri altında qalması əks olunub.
Nəqliyyat vasitələrinin nə vaxt hərəkət edəcəyini gözləmək əvəzinə, o, özünü yük avtomobilinin qarşısına verib.
Lakin işıqforun işığı hərəkətə icazə verən işarəni verdikdə, heç nədən xəbər olmayan yük avtomobilinin sürücüsü yoluna davam edib.
Moped sürücüsünün başındakı dəbilqə belə, toqquşmanın gücündən yerə düşərək, sonradan yolun kənarında aşkarlanıb.
Videodan da görünür ki, yük avtomobili sürücüsü sanki nəyəsə ilişdiyini hiss edərək, nəqliyyat vasitəsini dayandırıb.
Başından xəsarət alan və ayağı sınan moped sürücüsü xəstəxanaya çatdırılıb.
