Avtoreyd.az bildirir ki, Lamborghini şirkəti yarış modelinin prototipi Diablo GT1 Stradale-ni nümayiş edib. Bu model, Porsche 911 GT1 və McLaren F1 GTR modellərinə rəqib olaraq hazırlanıb.
Dünyada cəmi iki belə avtomobil mövcuddur. Onlardan biri Avropada, digəri isə Yaponiyada, kolleksiyada saxlanılır. Yarış avtomobili layihəsinin işi dayandırıldığından, daha belə maşınlar buraxılmır.
GT1 Stradale modeli Fransanın Signes Advanced Technology zavodu tərəfindən istehsal edilib. Avtomobildə 655 at gücünə malik 6 litrlik V12 mühərriki quraşdırılıb. Stradale-nin kuzovu karbon lifindən hazırlanıb, elə buna görə də zahirən Diablo-nun başqa modifikasiyalarından kəskin fərqlənir.
Daxildən avtomobil pedallar üçün nəzərdə tutulan xüsusi qutuyla, açıq dəyişdiricilərlə, həmçinin yarış avtomobilinə lazım olan bütün digər detallarla təchiz edilib.
