Avtoreyd.az bildirir ki, Sloveniyanın Maribor şəhər qəbiristanlığında ucaldılan qeyri-adi başdaşı 2000-ci ildə dünyasını dəyişən Yanez Mlakar adlı şəxsin məzarı üzərində qoyulub.
Abidə 48 düymlük ekranla təchiz edilib. Hansı ki, sifarişçi tərəfindən yüklənən foto, video və başqa məzmunlu görüntüləri təqdim edə bilər. Bioenergija adlı istehsalçı şirkətin başçısı Saso Radovanovitsanın sözlərinə görə, bu, hətta bütöv bir roman da ola bilər.
O bildirib ki, hazırda smartfonlar üçün proqram əlavəsi yaradılır. Onun köməyi ilə abidələrlə qarşılıqlı təmasa girmək olacaq. Xüsusilə, həmin proqram əlavəsi qəbiristanlıqda səs salmamaq üçün məzar daşında yazılan materialı qulaqcıq vasitəsilə dinləmək imkanı verəcək.
Qeyri-adi başdaşının qiyməti təxminən üç min avrodur. Radovanovitsanın sözlərinə görə, şirkət artıq bir neçə belə başdaşı hazırlamaqla bağlı sifariş alıb. Belə abidələrin Sloveniya xaricində satılması haqda hələ ki, heç bir məlumat yoxdur.
