ABŞ höküməti Fiat Chrysler şirkətinə qarşı məhkəmə işi açıb. Şirkət dizel avtomobillərində emissiya nəticələrini saxtalaşdıran qeyri-qanuni kompüter proqramdan istifadə etməkdə ittiham olunur.
Bu ittihamları ilk dəfə yanvar yaında Ətraf Mühitin Mühafizəsi İdarəsi irəli sürmuşdü.
Bu kompüter proqramı avtomobillərin emissiyasında zərəli maddələrin gizlədərək, avtomobillərin qəbul olunmuş stardartlara uyğun gəldiyini göstərməyə imkan verir.
Diqqətdə olan avtomobil modelləri 2014-2016-cı illərdə istehsal olunan Grand Cherokee və Dodge Ram 1500 pikaplarıdır.
Fiat Chrysler şirkəti səhmlərinin 2.9 faiz aşağı düşməsinə səbəb olan bu xəbərə bir şərh verməyib.
2015-ci ildə Volkswagen şirkəti buna bənzər kompüter proqramından istifadə edilməkdə ittihamlardan sonra bu halın baş tutduğunu etiraf etmişdi. Nəticədə məhkəmə Volkswagen şirkətinin 7 yüksək vəzifəli əməkdaşının təqsirli olduğunu müəyyən etmiş və şirkəti 20 milyard dollar məbləğində cərimə etmişdi (“Amerikanın səsi”).
