Avtoreyd.az bildirir ki, Las-Veqas polisi YouTube-da uğursuz avtomobil oğurluğuna cəhdlə bağlı videomaterial yerləşdirib. Qanun keşikçiləri izləyicilərdən həmin şəxsi müəyyən etməyə və uğursuz oğrunu axtarmağa kömək etməyi xahiş edir.
Təxminən 35 yaşlı latınamerikalı, dayanacaqda yerləşdirilən Nissan avtomobilinin qapısını açaraq, sürücünü salondan bayıra sürüyüb. Bundan sonra cinayətkar avtomobilə əyləşərək, hadisə yerindən qaçmağa çalışıb. Lakin buna müvəffəq olmayıb, görünür, mexaniki ötürmə qutusundan istifadə etmək qaydalarını bilməyib.
Nəticədə qeyri-peşəkar maşın oğrusu tələsik şəkildə ərazini tərk edib. Avtomobilin özünə gələn sahibi isə ona çatmağa çalışsa da, amma müvəffəqiyyətsizliyə uğrayıb.
