Avtoreyd.az bildirir ki, Amerikanın Viskonsin ştatının Miluoki şəhərində avtomobil evi taran edib. Maşın qalın kərpic divarı dağıdaraq iki nəfərlik ailənin yaşadığı evin qonaq otağına girib.
Avtomobili idarə edən qadın polisə bildirib ki, maşın bordürə dəydikdən sonra şəxsi həyətə girib. Daha sonra isə kərpic divarı dələrək, yatan kişidən bir neçə metr aralıda dayanıb.
“Bu partlayışa oxşayırdı. Mən bilmirdim ki, nə baş verir”, – şoka düşən ev sahibi belə deyib.
Hazırda şəhər rəhbərliyi evin yaşayış üçün təhlükəsiz olub-olmadığını müəyyən etməyə çalışır.
