Çinin Tszyansi əyalətinin Qançjou şəhərində, 26-cı mərtəbədən düşən tısbağa avtomobili yararsız hala salıb.
Avtoreyd.az bildirir ki, avtomobil sahibindən polisə şikayət daxil olub ki, naməlum şəxslər onun Toyota Camry avtomobilinin damını əzib və arxa şüşəsini sındırıb.
Hadisə yerinə gələn polislər avtomobilin yanında ölmüş Uzaq Şərq tısbağası aşkar ediblər. Onlar ehtimal ediblər ki, tısbağa maşının üstünə yuxarı mərtəbədə yerləşən mənzillərdən birinin pəncərəsindən düşüb.
Polislər yuxarı binanın üst mərtəbələrinin sakinləri arasında araşdırma aparmağa başladıqda, tezliklə tısbağası itmiş qadın tapıblar. O, bildirib ki, bir gün əvvəl tısbağa alıb və onu mətbəxə buraxıb. Sahibənin fikrincə, heyvan eyvana çıxaraq oradan avtomobilin üstünə düşüb.
Zədələnən avtomobilin sahibi tısbağa sahibindən təmir xərclərinin ödənilməsini tələb etsə də, qadın dəyən zərəri ödəməkdən imtina edib.
“Burada mənim heç bir günahım yoxdur. Mənim tısbağanı tulazlamaq fikrim olmayıb. O özü düşüb”,- tısbağanın sahibəsi belə deyib. Polislər onlara mübahisəni məhkəmə yolu ilə həll etməyi məsləhət görüblər.
Qeyd edək ki, Uzaq Şərq tısbağasının zirehinin uzunluğu adətən 20-25 santimetri, çəkisi isə 4,5 kiloqramı ötmür. Çində bu tısbağalar delikates hesab olunur.
