Avtoreyd.az bildirir ki, Çinin Unjun əyalətində səmada “uçan şəhər” görünüb. Unikal hadisənin şahidləri şoka düşüblər. Olay yerli sakinləri əməlli qorxuya salıb. Amma konspiroloqlar əmindir ki, videoda holoqrafik təsvirin ötürülməsi üzrə NASA-nın yeni texnologiyası təsvir olunub.
Yağışdan sonra səmada bir anlıq olaraq öz görkəminə görə aydın şəkildə binaları və digər memarlıq nümunələrini xatırladan naməlum şəhərin görüntüsü peyda olub. “Uçan şəhər” səmada yavaş-yavaş süzdükdən sonra “buxarlanıb”.
Bəzi ekspertlər ehtimal edib ki, videoda ilğım-optik hadisə təsvir edilib. Bu zaman Yer kürəsinin səthinin soyuması və kondensasiyası zamanı uzaq obyektlər səmada əks olunur.
Amma Çin meteoroloqları vəziyyəti şərh etmirlər. Bunun da nəticəsində çoxları “uçan şəhərin” yaranmasını daha mistik şərhlərlə izah etməyə başlayıb.
