Avtoreyd.az bildirir ki, ABŞ-da, Kaliforniyada iki amerikalı tərəfindən çəkilən videoda qayığın pəri ilə güclü şəkildə yaralanan, uzunluğu dörd metrdən artıq böyük köpək balığı əks olunub.
Əvvəlcə amerikalılar düşünüb ki, bu balinadır və heyvana yardım etməyə çalışıblar. Lakin yaxınlaşdıqda anlayıblar ki, onların qarşısında heç də balina yox, çox böyük ağ köpək balığıdır.
Heyvan sahilin dayaz hissəsindən dərinliyə doğru üzməyə çalışaraq fəal hərəkət edib. Onun kürəyində gözə çarpan dərəcədə dərin yara olub.
Dəniz təbiətinin mühafizəsi institutunun bildirdiyinə görə, kifayət qədər dərin yaralanmasına baxmayaraq, köpək balığının həyatı üçün heç bir təhlükə yoxdur.
