Avtoreyd.az bildirir ki, çinli avtomobil sürücüsü nəqliyyat vasitəsi ilə vurduğu motorollerin sahibini, onun sürücülük qabiliyyəti haqqında söylədiyi təhqiramiz ifadələrdən sonra yolun hərəkət hissənində bıçaqlayıb.
Hadisə Çinin Şərq əyaləti Şandunda, Tszinin şəhər dairəsində, şəhər xəstəxanası qarşısında baş verib. Güman edilir ki, elektroskuter sahibi zolaqdan zolağa keçməklə, arxasınca gələn avtomobilə özünü ötməyə imkan verməyib. Səbri daşan sürücü, dörd yol ayrıcında məqsədyönlü şəkildə avtomobilini motoroller sahibinin üzərinə sürərək onu vurub.
Yerə yıxılan şəxs maşının altında sıxılıb qalsa da, müstəqil şəkildə oradan çıxa bilib. Daha sonra isə avtomobil sürücüsü ilə münasibətlərinə aydınlıq gətirmək üçün ona yaxınlaşdıqda, sürücü salondan cəld enərək, sellofan paketdə gizlətdiyi bıçaqla ona zərbələr endirməyə başlayıb.
Bir müddət skuter sahibi ondan yaxa qurtara bilsə də, sonradan ona çatan avtomobil sahibi, çoxsaylı şahidlərin gözü qarşısında onu bıçaqla öldürərək, maşına əyləşərək qaçmaq istəyib. Bir saatdan sonra isə qatil sürücü saxlanılıb.
