Avtoreyd.az bildirir ki, hindistanlı cütlük 26 il ərzində 121 hektar sahəni əhatə edən tropik meşəni bərpa edə bilib.
Əvvəllər bu ərazi gücdən düşmüş düyü sahələri olub. Lakin 1991-ci ildə Pamela və Anil Malotra cütlüyü, atılmış bu torpaq sahəsini satın alıb.
Cütlük tropik meşəni bərpa edə bildiyi üçün çox xoşbəxtdir. Bu gün qoruqda təxminən 200 növ bitki və heyvan yaşayır. Onların arasında nəsli kəsilməkdə olan Benqal pələngi və Asiya fili də var. Hazırda meşədə 10 fil yaşayır, qoruqda həmçinin yaşı 700 il olan ağac da var.
Hələ ki, bu, Hindistanda, 300-dən artıq quş növünün, həmçinin nəsli kəsilməkdə olan nadir heyvanların yaşadığı yeganə şəxsi qoruqdur.
