Avtoreyd.az bildirir ki, internetdə, nümayiş etdiyi fəndi imdad qışqırtıları ilə bitirən heyvan təlimçisinin dəhşətli kadrları yayılıb.
Tailandda kiçik qrupdan ibarət insanlar üçün timsahlarla şou göstərən kişi, yırtıcı qarşısında diz üstə çökərək başını heyvanın açıq ağzına soxub.
Lakin timsah cəld şəkildə təlimçinin başını qaparaq, o tərəf bu tərəfə dartmağa başlayıb. Bir neçə saniyədən sonra heyvan öz qurbanının başını buraxaraq suya cumub, kişi isə ağrıdan qışqırmağa davam edib.
Çıxışdan əvvəl heyvan təlimçisi turistlər qarşısında lovğalanıb ki, timsahın hücumundan sonra onun artıq bir barmağı yoxdur.
