Avtoreyd.az bildirir ki,Turkish Airlines türk aviaşirkətinin sərnişinini təyyarədən düşürməzdən əvvəl və Böyük Britaniyadan deportasiya etməzdən öncə, Londonun Hitrou aeroportunda laynerdə döyüblər.
Həmin reyslə İstanbula uçan sərnişinlərdən birinin sözlərinə görə, təyyarə yola düşməzdən əvvəl laynerin göyərtəsinə zahiri görünüşünə görə Britaniya miqrasiya xidmətinin əməkdaşı olan şəxs qalxıb.
Bu şəxs Əfqanıstan vətəndaşı olan sərnişinin üzünə bir neçə dəfə vuraraq, onun başını divara sıxıb. Əfqanıstanlı buna cavab olaraq qışqırmağa başlayıb ki, onu vətənə deportasiya edirlər, orada isə həyatı üçün təhlükə var.
Kişini təyyarədən çıxardıqdan sonra təyyarə İstanbula uçub. Baş verənlər sərnişinləri çox təəcübləndirib, bəziləri hətta ağlayıb.
Britaniya Daxili İşlər Nazirliyinin nümayəndəsi bildirib ki, deportasiya anının bəzi məqamlarını onlar şərh etmir. Bununla belə o əlavə edib ki, əgər insan ölkədə qanunsuz şəkildə yaşayırsa və könüllü formada dövləti tərk etmək istəmirsə, güc strukturları əməkdaşları lazımi ölçü götürə bilər.
