Avtoreyd.az bildirir ki, Koreya texnologiyaları insanı asanlıqla yeni, çox dəqiq devaysın köməyi ilə tanımağa imkan verir.
Koreyanın qabaqcıl texnologiyalar institutunun alimləri insanı üzdən tanımaq üçün dəqiqliyi 97% təşkil edən cihaz yaradıblar.
Az miqdarda enerji sərfiyyatına görə həmin cihazı, naqil və ya Bluetooth vasitəsi ilə telefona qoşmaq olar.
Artıq bu gün insanların üzdən tanınması bir çox sahələrdə tətbiq edilir — aeroportlarda sərhəd nəzarət-keçid məntəqələrində və ya sosial şəbəkələrdə məlumatların dəyişikliyinin təsdiqi zamanı.
Amma adətən belə qurğular çox enerji sərf edir və yüksək yalnışlıqlara yol verir, bunun üçün də onlara operatorlar nəzarət etməlidir. Koreya mühəndislərinin qurğusu isə prosesi tamamilə sistemləşdirməyə imkan verəcək.
Qurğunun xarakteristikasından başqa, mühəndislər texnologiyanın mümkün tətbiqinin bir neçə üsulunü da nümayiş ediblər. Məsələn, polisin forması üzərinə bərkidilən simsiz devays, qanun keşikçisinə yaxınlığından keçən insanları tanımağa kömək edir.
Və ya onun köməyi ilə skaner vasitəsilə smartfondan təmas olmadan ödəniş etmək olar.
