“Valideynlər qorxusundan uşaqlarının əlindən tutur”
Gəncədə də piyadanın vurulması ilə nəticələnən yol qəzası olub.
AvtoReyd.Az ARB TV-ə əsasən məlumat verir ki, hadisə şəhərin Abbas Səhhət küçəsində, “Sərçə bazarı”nın yaxınlığında baş verib.
“Mercedes” markalı avtomobilin sürücüsü idarəetməni itirib və səki ilə hərəkət Samux rayon Nəbiağalı qəsəbə sakini Elyanə Namazovanı vurub. Dizindən və başından xəsarət alan 53 yaşlı qadın Abbas Səhhət adına şəhər xəstəxanasına yerləşdirilib. Vəziyyəti normal qiymətləndirilir.
Qəza baş verən ərazidə piyada keçidinin olmaması küçə sakinlərini narahat edir.
Şirxan Alıyev – Sakin: “Məktəbdir, valideynlər hamısı qorxusundan uşaqlarının əlindən tutub gətirir. Xahiş edirəm, ya yuxarıda, ya burada keçid əmələ gəlsin. Orada şənlik evi var, burada poliklinika. Keçid olmalıdır burada, 3 yoldur”.
Faktla bağlı cinayət işi açılıb, araşdırmalar davam edir.
