Bakı-Qazax magistral yolunda piyadanı avtomobil vurub.
AvtoReyd.Az APA-nın qərb bürosunun verdiyi məlumata görə,bildirir ki, hadisə yolun Goranboy rayonu Dəliməmmədli qəsəbəsindən keçən hissəsində qeydə alınıb.
Rayonun Qaradağlı kənd sakini Orxan İmamquliyev idarə etdiyi “VAZ21011” markalı avtomoibllə hərəkətdə olarkən Yevlax rayon sakini, 1975-ci il təvəllüdlü Hümbətov Aqil Möhübbət oğlunu vurub. Yaralı dərhal Gəncə şəhər Abbas Səhhət adına 2 saylı şəhər xəstəxanasına yerləşdirilib. Ona tibbi yardım göstərilib. Vəziyyətinin orta ağır olduğu bildirilir.
Faktla bağlı Baş Dövlət Yol Polisi İdarəsində araşdırma aparılır.
