Avtoreyd.az bildirir ki,ABŞ-da minik avtomobilinin motelin hasarını yararaq, ərazidə yerləşən hovuza girməsi nəticəsində 8 nəfər zərər çəkib.
Hadisə iyunun 25-də axşam saatlarında Los-Ancelesdə baş verib. 25 yaşlı sürücünün idarə etməni itirdikdən sonra avtomobillə yoldan çıxmasının səbəbləri hələ məlum deyil.
Yol-nəqliyyat hadisəsi zamanı hovuzda çoxlu uşaq olub. Onlardan yeddi nəfəri elə də ciddi olmayan xəsarət alıb. Yolsuzluq avtomobilinin sürücüsü isə kritik vəziyyətdə xəstəxanaya yerləşdirilib.
