Avtoreyd.az bildirir ki, Çinin Sıçuan əyalətində yerləşən Neytszyan şəhərindən olan fermer Jan Linqin ikiyaşlı qızı Ksinli ağır xəstəliyi tutulub.
Çinlinin qızı talassemiyadan əziyyət çəkir. Linq və onun xanımı qızın müalicəsinə 15 min dollardan çox pul xərcləyiblər. Lakin bu kifayət etməyib. Fermerin isə daha borc almağa imkanı yoxdur.
Taleyi ilə barışan ata tezliklə onun ailəsinə üz verəcək fəlakətə hazırlaşmaq məqsədi ilə ikiyaşlı qızı üçün məzar qazıb və bütün boş vaxtını orada övladı ilə keçirməyə başlayıb. Jan Linq hesab edir ki, beləliklə qızı Ksinli əbədi mənzilinə öyrəşməyi daha yaxşı bacaracaq.
Jurnalistlər sosial şəbəkədə yayılan bu qandonduran videodan sonra, potensial xeyriyyəçilərin fermerə yardım edəcəyini istisna etmirlər.
