Avtoreyd.az bildirir ki, gülməli hadisə Türkiyədə, Efes şəhərində keçirilən Beynəlxalq incəsənət festivalında Vyana kamera orkestrinin çıxışı zamanı baş verib. Antraktı gözləmədən, musiqiçilərin olduğu səhnəyə sahibsiz it çıxıb. O, bir qədər səhnədə gəzdikdən sonra skripkaçının ayaqları yanında istirahət etmək üçün uzanıb.
Bu zaman vyanalı musiqiçilər Mendelsonun IV simfoniyasını ifa edirmiş. Səhnəni eninə-uzununa gəzdikdən sonra yorulan it əsnəyərək uzanıb. Tamaşaçılar çağırılmamış qonağın çıxışını alqışlarlarla qarşılayıb.
Vyana orkestrinin musiqiçiləri isə heç nə olmamış kimi əsəri sonuna qədər ifa ediblər.
