Avtoreyd.az bildirir ki, Hindistanın Madhya-Pradeş ştatının kəndlərindən birinin Basori Ləl adlı sakininin boy artımı beş yaşından dayanıb.
Hazırda Basorinin 50 yaşı var, ancaq onun boyu 70 santimetrdən çox deyil. Hindli və onun yaxınları, Ləlin boyunun qəflətən nədən inkişafdan geri qaldığını bilmirlər.
Basorinin ailəsi yerli fabrikdə çalışır. Onların heç vaxt hindli üçün həkimlərə ödəməyə pulu olmayıb. Uşaq vaxtı Ləl yaşıdları tərəfindən daim lağa qoyulub. Ancaq illər keçdikcə kənd sakinləri Basoriyə hörmətlə yanaşmağa başlayıblar. Bu gün o, hamının sevimlisinə çevrilib.
50 yaşlı Basori Ləl qardaşı və onun arvadıyla bir evdə yaşayır. O, yerli fabrikdə işləyir və deyir ki, ömrünün qalan günlərini də belə keçirmək istəyir. Basori ailə qurmaq istəmir, yaxın qohumları ilə yaşamaq onun xoşuna gəlir.
Hindli deyir ki, çoxdandır ki, boyuna görə narahat olmur, çünki digər kənd sakinləri kimi hər şeyi etməyi bacarır. Ləlin sözlərinə görə, o, həyatından razıdır.
