AvtoReyd.Az xezerxeber.az-a istinadən məlumat verir ki,gəlin maşınlarının icarə qiymətləri ucuzlaşıb. İndi hətta 50 manata da gəlin maşını sifariş vermək olar. Bunun isə əsas səbəbi restoranların gəlin və bəyə öz avtomobillərini təklif etmələridir.
Toy mövsümü başlasa da, gözlənilənlərin əksinə olaraq, gəlin maşını bazarında icarə qiymətlərində enmə müşahidə olunur.
Halbuki Ramazan Ayının bitməsini gözləyən icarədarlar qiymətlərin artacağına ümid edirdilər. İndi 50 manata da gəlin maşını icarəyə götürmək mümkündür.
Avtomobillərini gəlin maşını kimi icarəyə verən şəxslər deyirlər ki, qiymətlərin enməsinin əsas səbəbi restoranlardır. Yəni son dövrlər gəlin və bəyə restoran özü avtomobil təklif edir ki, bu da onların bazarını zəiflədir.
İcarədarların sözlərinə görə, restoranlar qiymətləri salmaqda davam edərsə, onlar da icarə haqlarını daha da aşağı endirə bilərlər.