Avtoreyd.az bildirir ki, braziliyalı xanım Rozemere de Nasimento Silva toy günü sözün əsl mənasında göydən düşməklə gələcək həyat yoldaşına sürpriz etmək istəyib.
Bunun üçün o, kəbin kəsmə mərasiminə “Robinson 44” helikopterində yollanıb. Bu zaman gəlini qardaşı Silvano və hamiləliyinin altıncı ayında olan fotoqraf Nayyala Kristina Neves müşayiət edib. Helikopteri pilot Peterson Pineyro idarə edib.
Sürpriz haqqında mərasimə toplaşmış üç yüz qonaqdan yalnız barmaqla sayılcaq qədər insan bilirmiş. Helikopterin təyin edilən vaxtda gəlmədiyini görən şəxslər həyəcan qaldırıb. Bu zaman məlum olub ki, nəqliyyat vasitəsi toyun keçirildiyi yerin düz bir kilometrliyində qəzaya uğrayıb.
Qəza yerində Nevesin, gəlini çəkdiyi smartfon tapılıb. Telefon vasitəsi ilə qeydə alınan görüntülərdən də aydın olub ki, əvvəlcə uçuş normal olub, amma qəflətən helikopter qəzaya uğrayıb.
Müstəntiqlərin fikrincə, hava nəqliyyatı vasitəsi pilotun səhvi üzündən dumanda ağaca çırpılıb.
