Bakı-Quba magistralında ağır yol-nəqliyyat hadisəsi baş verib.
AvtoReyd.Az “Report”-a istinadən xəbər verir ki,rayonun Vəlvələ kənd sakini, 1987-ci il təvəllüdlü Qismət Adil oğlu Ağakişiyev idarə etdiyi 90-FZ-930 dövlət qeydiyyat nömrə nişanlı, “Mercedes” markalı avtomobillə hərəkətdə olarkən idarəetməni itirib və avtomobili yolun kənarındakı ağaca çırpılaraq dərəyə aşıb.
Hadisə nəticəsində sürücü ağır kəllə-beyin travması alıb və koma vəziyyətində Quba Mərkəzi Rayon Xəstəxanasının reanimasiya şöbəsinə yerləşdirilib. Xəstəxanadan “Report”un yerli bürosuna bildirilib ki, yaralının vəziyyəti ağır olaraq qalır.
Faktla bağlı Quba Rayon Polis Şöbəsində araşdırma aparılır.
