Avtoreyd.az bildirir ki, Taylandın Pxuket adasında Avstraliyadan olan turist həlak olub.
70 yaşlı iş adamı Rocer Con Hassi, Pxuket adasında xanımıyla birlikdə dincəlirmiş. Rocer Con Hassi paraseylinqlə (katerlə yedəyə alınan paraşütlə uçuş) məşğul olurmuş.
Təlimatçı ilə birgə havaya qalxandan qısa müddət sonra 70 yaşlı avstraliyalı, qəfil qoparaq 30 metrdən artıq yüksəklikdən suya düşüb. Avstraliyalı iş adamı xəstəxanaya aparılarkən aldığı travmalardan yolda keçinib.
Polis hadisənin araşdırılmasına başlayıb. Kateri idarə edən şəxs və avstraliyalıyla birlikdə uçan təlimatçı saxlanılıb. Onlara qarşı səhlənkarlıqla bağlı ittiham irəli sürülüb.
