Avtoreyd.az bildirir ki, əsas versiyaya görə içmək üçün suya yaxınlaşan fil balası müvazinətini itirərək hovuza düşüb. Hadisə Hindistanın Qərbi Benqaliya ştatında baş verib. Qan donduran qışqırıqlar eşidən Aliperdyuar şəhərinin yaxınlığında yerləşən kəndin sakinləri qorxmuş heyvanı beton rezervuarda aşkar ediblər.
Kəndlilər həyəcan təbili çaldıqdan sonra hadisə yerinə canlı təbiətin müdafiəçilər və xilasedicilərdən ibarət briqadaları gəlib. Onlar qeyd edib ki, bu ilk belə hadisə deyil. Belə ki, çox vaxt vəhşi heyvanlar suvarılma üçün nəzərdə tutulan rezervuarlardan su içmək üçün insanların yaşayış məskənlərinə yaxın yerlərə gəlirlər. Xoşbəxtlikdən zavallı fil balasının düşdüyü hovuz dayaz olub və heyvan boğulmayıb, sadəcə çıxmağa çalışarkən ümidsizcəsinə bulanıq suda çabalayıb.
Zavallı heyvanı düşdüyü quyudan çıxarmaq və təhlükəsiz yerə aparmaq üçün könüllülərə təxminən üç saat lazım olub. Fil balası xilas edildikdən dərhal sonra ayrı düşdüyü sürüylə yenidən birləşmək üçün yaxınlıqdakı meşəyə qaçıb.
