Avtoreyd.az bildirir ki, Kaliforniyada kafelərdən birinə Optimus Praym maskasında daxil olan şübhəli şəxs kassaya yaxınlaşaraq, əlindəki paketdən tapança və bıçaq çıxardaraq, satıcını hədələməyə başlayıb. Lakin basqınçı nəsə əldə etməyə müvəffəq olmayıb. Çünki arxadan ona yaxınlaşan müştərilərdən biri stulla bir neçə dəfə soyğunçunu vurub.
Hadisədən çaşbaş qalan qarətçi döyüşməyi qərara aldıqda, müştərinin güclü müqaviməti ilə rastlaşıb. Belə ki, kişi soyğunçunu döşəməyə yıxaraq yumruqlamağa başlayıb. Cinayətkar daha sonra qan içində qəhvəxana yaxınlığında tapılaraq saxlanılıb.
Kafeni müdafiəçisinin kimliyi də bəlli olub. Bu, 58 yaşlı yerli sakin Kreqq Cerridir. Polisin verdiyi məlumatda bildirilir ki, soyğunçuyla mübarizə aparan zaman Kreqq Cerri boynundan bıçaqla yaralansa da, silahı cinayətkarın əlindən ala bilib. Sonra aydınlaşıb ki, tapança oyuncaq imiş.
