Avtoreyd.az bildirir ki, məşhur müğənni Castin Biber, onun şəklini çəkməyə çalışan fotoqrafı təsadüfən avtomobili ilə vurub. Xoşbəxtlikdən, paparatsinin aldığı xəsarət elə də ağır olmayıb.
Hadisə, Beverli-Hillsdə “Saban” teatrının yaxınlığında, kilsədə dini ibadət keçirilən zaman baş verib.
Ibadət bitdikdən sonra müğənni avtomobilinə əyləşib və bu zaman paparatsilər onu mühasirəyə alıb. Yoluna davam etməyə çalışan Castin Biber avtomobilinin sağ tərəfi ilə fotoqraflardan birinə toxunub.
Yol-nəqliyyat hadisəsi yerini tərk etməyən müğənni polis və həkimlər gələnə qədər zərər çəkənin yanında qalıb. Fotoqrafın zədələri ciddi olmadığından qanun keşikçiləri müğənnini cəzalandırmayıblar, sadəcə qısa sorğudan sonra onu buraxıblar.
