Son günlər bəzi informasiya saytlarında və sosial şəbəkələrdə Naxçıvan Muxtar Respublikasının ərazisində avtobusla sərnişindaşıma xidmətində gediş haqqının artımı ilə bağlı həqiqəti əks etdirməyən informasiyalar yayılıb.
AvtoReyd.Az-in virtualaz.org-a istinadən verdiyi məlumata görə, Naxçıvan Muxtar Respublikası Nəqliyyat Nazirliyinin yaydığı məlumatda qeyd olunur ki, muxtar respublika ərazisində avtobusla sərnişin daşımada gediş haqqının 10 qəpik artırılması manatın devalvasiyası nəticəsində xarici ölkələrdən alınan ehtiyat hissələrində olan qiymət artımı ilə əlaqədardır.
