Çində dünyanın ən sürətli qatarının fəaliyyəti yenidən bərpa olunacaq.
“Güllə qatar” sentyabr ayından etibarən dəmiryol xəttinə buraxılacaq.
Sözügedən qatarın sürəti saatda 350 kilometrə çatır. Qatar Pekin-Şanxay reysi üzrə hərəkət edir. “Güllə Qatar” iki şəhər arasında olan 1250 kilometrlik məsafəni 4 saat 30 dəqiqəyə qət edəcək.
Çin 2008-ci ildən etibarən sürət qatarlarını işə salıb. Lakin, ölkə rəhbərliyi 2011-ci ildə iki qatarın toqquşması ilə nəticələnən qəzadan sonra sürət həddini 250-yə endirmişdi. Həmin qəza nəticəsində 40 nəfər ölüb, 191 nəfər xəsarət alıb.
Hazırda Çində 20 min kilometrdən çox sürətli dəmiryol xətləri mövcuddur./AzNews.az
