ARB TV-nin “Günə doğru” verilişində maraqlı sujet yayımlanıb.
Buffalo universitetinin alimləri siçovullar üzərində maraqlı araşdırma aparıblar.
Belə ki, fizik Arnd Prallenin rəhbərliyi altında həyata keçirilən sınaq möhtəşəm nəticə verib. Məqsəd beyni kənardan idarə etmək istəyini reallaşdırmaq idi.
Beləliklə öncə canlının orqanizminə xüsusi yaradılmış DNT zənciri və nanohissəciklər yeridilib. Onlar da öz növbəsində müəyyən neyronlara bağlanıb. Sonra isə canlını kənardan fasiləli maqnit sahələri hesabına idarə ediblər.
Siçovulun yeriməsini, bədənin müəyyən hissələrinin deaktiv edilməsini həyata keçiriblər. Bir sözlə onların bədənləri üzərində tam idarəetməyə sahib olublar. Bu elm aləmində fantastik nəticədir.
