Qurban bayramının ilk günündə Bakı Beynəlxalq Avtovağzal Kompleksində sərnişin sıxlığı yaşanıb.
AvtoReyd.Az Xezerxeber.az-a istinadən məlumat verir ki, Avtovağzalda sərnişinlərin rahat hərəkətini təmin etmək üçün bir neçə nəzarətçi cəlb edilib. Məqsəd həm gediş haqqının artmasının, həm də sıxlığın qarşısını almaqdır.
Ancaq buna baxmyaraq bəzi sərnişinlər problemlə qarşılaşdıqlarını bildirib.
Avtovağzal kompleksində sərnişinlərin rahatlığı üçün ilk dəfə olaraq tibb mənətəqəsi fəaliyyət göstərib. Səhər saatlarında artıq tibb məntəqəsinə müraciət edənlər olub.
Qiymətlərə gəldikdə isə, Avtovağzaldan bildirdilər ki, vətəndaşlar biletləri qabaqcadan satış kassalarından və ya onlayn qaydada ala bilərlər.
Qeyd edək ki, Bakı Beynəlxalq Avtovağzal Kompleksi gücləndirilmiş iş rejiminə keçib. Bayram günlərində 600-dən çox avtobusla təxminən 16 min sərnişinin daşınması nəzərdə tutulur. Hər hansı neqativ fakta rast gəlindikdə isə həmin daşıyıcı reysdən uzaqlaşdırılacaq.
