Avtoreyd.az bildirir ki, Keniya tarixində ilk dəfə olaraq qoruq ərazisində vəhşi təbiət üzrə mütəxəssislər nadir ağ zürafələr qeydə alıblar.
Park əməkdaşları hesab edir ki, videodakı zürafələr ana və baladır.
O da qeyd olunur ki, zürafələri ilk dəfə yerli sakinlərdən biri hələ cari ilin iyun ayında görsə də, onları görüntüləyə bilməyib.
Bu nadir ağ rəng leykizmla bağlıdır.Yəni heyvanlarda xarici görkəmin piqmentasiyasının qismən itkisinə səbəb olan mutasiya ilə.
Torlu zürafələr Təbiətin mühafizəsi üzrə Beynəlxalq ittifaqın “həssas heyvanlar” siyahısındadır. Ümumilikdə, vəhşi təbiətdə cəmi 8500 torlu zürafə var. Unikal heyvanlar Somalidə, Efiopiyanın cənubunda və Keniyanın şimalında yaşayır.
