Bakıda 14 yaşlı Rəsul adlı məktəbli dərsdən sonra boş vaxtlarında şəhərdə qayda pozan sürücüləri aşkarlayır.
Xezerxeber.az məlumat verir ki, əynində polis forması, çiynində paqonları olan balaca yol polisi Rəsul Şahverənli boş vaxtlarında sürüclərin qayda pozuntularının şəklini çəkərək saytlar vasitəsi ilə ictimailəşdirir. O, bu üsulla özündən yaşca böyükləri nizam-intimzama dəvət edir.
46 saylı məktəbdənkənar tərbiyə işi mərkəzinin yetirməsi olan Rəsul dərsdən sonra yol hərəkəti qaydalarını öyrənir. O, öyrəndiklərini praktiki olaraq da həyata keçirir.
Çəkiliş apardığımız vaxt Rəsul elə bir neçə sürücünün qayda pozduğuna görə şəkillərini çəkdi.
Rəsulun bu addımı sürüclər tərəfindən də müsbət qarşılanır.
Amma hamı bu sürücülər və Rəsul kimi məsuliyyətini dərk etmir. Balaca müsahibimiz deyir ki, hərdən sürücülər onunla çox kobud davranır. Amma Rəsulun dayanmaq fikri yoxdur. Ən böyük arzusu isə gələcəkdə həqiqi polis zabiti olmaqdır.
Mövzu ilə bağlı daha ətraflı videomaterialı təqdim edir:
