Sürücünün başı qarışdı, sərnişinlərdən biri isə qəpik-qəpik yığılan 115 manat pulu oğurladı. Hadisə Bakıda avtobuslardan birində baş verib. Ancaq oğurluq anı anbaan avtobusa quraşdırılan təhlükəsizlik kameralarına düşüb.
Bakıda avtobusda edilən oğurluq anı kameraya düşdü. Hadisə 38 saylı xətt üzrə hərəkət edən sərnişin avtobusunda baş verib.
Belə ki, avtobus son dayanacağa çatdıqdan sonra sərnişinlər düşməyə başlayır. Sürücünün məşğul olduğundan istifadə edən şəxs isə öz çirkin əməlini həyata keçirməyə başlayır. O, oturacağın arxasından əlini uzadaraq 115 manat pulu oğurlayıb
Görüntüləri anbaan avtobusa quraşdırılan təhlükəsizlik kameraları lentə alıb
Sürücü hadisədən təxminən bir neçə dəqiqə sonra xəbər tutub. Oğurluq edən şəxs isə avtobusu dərhal tərk edib.
Sürücü hadisə ilə bağlı polisə məlumat verib. Hazırda həmin şəxsin axtarışı davam edir.
