evlax ərazisində iki yol nəqliyyat hadisəsi olub. Salahlı kəndində avtomobil piyadanı vuraraq öldürüb. Bakı-Qazax avtomagistralının rayon ərazisindən keçən hissəsində isə yük maşını yanıb. Sürücü isə yanıq xəsarətləri alıb.
63 yaşlı qadını avtomobil vuraraq öldürüb. Hadisə Mingəçevir – Bəhrəmtəpə avtomobil yolunun Yevlaxın Salahlı kəndi ərazisindən keçən hissəsində baş verib.
63 yaşlı Təzəgül Qasımova yolu keçərkən hərəkətdə olan avtomobil onu vurub. Müxtəlif dərəcəli bədən xəsarətləri alan yaşlı qadın xəstəxanaya çatdırılsa da onun həyatını xilas etmək mümkün olmayıb.
Digər yol nəqliyyat hadisəsi isə Yevlax ərazisində olub. Səhər saatlarında Bakı-Qazax avtomagistralında hərəkət edən Mehdi Mirzəyevin idarə etdiyi iritonnajlı yük avtomobilinin kabinəsində qəfil yanğın baş verib. Alov tez bir zamanda yük maşınını ağuşuna alıb. Sürücü avtomobili söndürməyə cəhd etsə də buna nail ola bilməyib və müxtəlif yanıq xəsarətləri alıb.
Hadisə yerinə Yevlax rayon Yanğından Mühafizə Hissəsinin yanğınsöndürən maşınları və briqadası cəlb olunub. Yanğınsöndürənlər alovun qarşısını ala biliblər. Hadisə ilə bağlı araşdırma aparılır.
