Gəncədə iki nəfərin ölümü ilə nəticələnən qəzanın ilkin səbəbi bəlli olub. AvtoReyd.Az APA–ya istinadən xəbər verir ki,ilkin ehtimala görə, hərəkətdə olan avtomobilin qarşısına it çıxıb. İti vuran avtomobil idarəetməni itirərək yolun kənarına aşıb. Hadisə yerinə FHN-nin Xüsusi Riskli Xilasetmə Xidmətinin əməkdaşları cəlb olunub. Meyitlər deformasiyaya uğrayan avtomobilin salonundan çıxarılaraq aidiyyəti üzrə təhvil verilib.Ağır qəza nəticəsində ölən şəxslərdən biri olan sürücünün kimliyi müəyyənləşdirilib,o, Gəncə sakini 1992-ci il təvəllüdlü Ələkbərov Kənan Orxan oğludur. Sərnişinin şəxsiyyətinin müəyyənləşdirilməsi istiqamətində tədbirlər davam etdirilir.
