Bəzən yol çəkərkən yolun ortasında qədim ağac olarsa, ona dəyilmir, tikintinin istiqaməti dəyişdirilir.
Bu gün təqdim edəcəyimiz «incəsənət nümunəsi» isə Əlcəzairdə qeydə alınıb. Sosial şəbəkələrdə paylaşılan kadrlardan görünür ki, yolun tən ortasında işıq dirəyi var. Bu «sənət abidəsinin» hansı məqsədlə «qorunduğu» barədə düşüncələri isə oxucuların ixtiyarına buraxırıq.
Qeyd edək ki, Yaxın Şərq ölkələri kimi Əlcəzair neft və qaza sahib olsa da, əhali var qüvvəsi ilə yaşamağa çalışır, bir çox gənclər isə Avropa ölkələrinə qaçırlar. Bu ölkəyə 1999-cu ildən bəri Əbduləziz Buteflik rəhbərlik edir. Hansı ki, xəstə olmasına və praktik olaraq sözün həm həqiqi, həm də məcazi mənasında kreslodan qalxmamasına baxmayaraq 2019-cu ildən prezidentliyə bir daha namizədliyini vermək istəyir./faktxəbər
