Avtoreyd.az bildirir ki, Comtrans-2017 sərgisində ümumi istifadə edilən yollar üzrə hərəkət üçün sertifikatlaşdırılmış “Ural” dartıcı-qoşqulu yük avtomobili təqdim edilib.
Avtomobil 44 tona qədər kütləylə avtoqatar tərkibində hərəkət üçün nəzərdə tutulub. Zəruri olduqda yedəkçi avtomobilin konstruksiyası 50 tona qədər yük çəkməyə imkan verir.
Yük avtomobili 422 at gücünə bərabər YAMZ-653 mühərrikiylə hərəkətə gətirilir. Avropa təsnifatı üzrə bu motor havaya buraxılan işlənmiş qazın tərkibindəki zərərli maddələrin miqdarına görə Avro-5 standartına uyğundur. Qüvvət qurğusu 16-diapazon ötürmə qutusu ilə paralel çalışır.
Böyük məsafələrə yüklərin daşınması üçün avtomobilin kabinası yataq yeriylə də təchiz edilib.
