Avtoreyd.az bildirir ki, Çinin Henan əyalətinin Siçuan rayonunda sirk pələngi yaşlı kişiyə hücum edib.
Kuzovunda səyyar sirkin yırtıcıları daşınan qəfəslər olan yük avtomobili şəhər meydanında park edilib. Yoldan keçənlərdən yaşlı bir kişi heyvanları yemləməyi qərara alıb və pələngə dəmir barmaqlıqlar arasından ət parçası uzadıb.
Yırtıcı yaşlı kişinin əlini qapıb və sirk əməkdaşının yardıma gələrək bir neçə dəfə pələngi çubuqla vurana kimi, onu buraxmayıb.
Heyvan kişinin əlini buraxdıqdan sonra, zərər çəkmişin ağrıdan ürəyi gedib. Yaşlı pensionerin hansı xəsarət alması haqda isə heç bir məlumat yoxdur.
